თენგიზ ცერცვაძე - ვაქცინაცია სიკვდილობის პანდემიას აჩერებს, შემთხვევების რაოდენობას ვერ აჩერებს, მაგრამ ანახევრებს ან ამესამედებს

მინდა ყველას მოვუწოდო ხვალიდან ვაქცინაციისკენ - ვაქცინაცია სიკვდილობის პანდემიას აჩერებს. შემთხვევების რაოდენობას ვერ აჩერებს, მაგრამ ანახევრებს ან ამესამედებს,- ამის შესახებ ინფექციური საავადმყოფოს გენერალურმა დირექტორმა, თენგიზ ცერცვაძემ ტელეკომპანია „პალიტრანიუსის“ გადაცემაში „პოლიტ - ქალაქი“ განაცხადა.

მისი თქმით, თუ ქვეყანაში ე.წ. ინდური შტამის ცირკულირება გაიზრდება, შესაძლოა, საქართველოში მსხვერპლიც გაიზარდოს. ამიტომ, თენგიზ ცერცვაძე მოსახლეობას პირბადის გამოყენებისა და რეკომენდაციების დაცვისკენ მოუწოდებს.

„თუ ვაქცინაზე ეჭვებია, რომ ის „ინდური შტამისგან“ ნაკლებად იცავს, ეს ეჭვები ხშირად გამართლებულია, თუმცა, პირბადე ერთნაირად იცავს ყველა შტამისგან. ამიტომ, პირბადე თავის დაცვის უნივერსალური საშუალებაა“, - განაცხადა ცერცვაძემ.

მისი შეფასებით, „მესამე ტალღის“ დროს ქვეყანაში სიკვდილიანობის მაღალი მაჩვენებელი იმითაც არის განპირობებული, რომ „ბრიტანულ შტამთან“ ერთად, ე.წ. ინდური შტამიც ცირკულირებს.

„სრული პასუხისმგებლობით ვაცხადებ, მესამე ტალღის პერიოდში, მეორე ტალღასთან შედარებით, სიკვდილიანობის შედარებით მაღალი მაჩვენებლები მილიონ მოსახლეზე გადაანგარიშებით გამოწვეულია იმით, რომ ჯერ ბრიტანულმა, ხოლო შემდეგ ინდურმა შტამმა, გაცილებით მეტი მძიმე შემთხვევა და მეტი სიკვდილობა მოგვცა“, - განაცხადა ცერცვაძემ.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 03.10.2022
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა