ოკუპირებულ სოხუმში ქარიშხალმა 50-მდე ხე წააქცია, ელექტროგადამცემი და ტროლეიბუსის ხაზები დააზიანა, - ინფორმაციას ადგილობრივი მედია ავრცელებს.

მათივე ინფორმაციით, შეიზღუდა ტრანსპორტის გადაადგილება და გაითიშა ელექტროენერგია, რომლის მიწოდებაც მოგვიანებით ნაწილობრივ აღდგა.

სოხუმში ქარიშხლის შედეგების აღმოფხვრის ოპერატიული შტაბი შეიქმნა.

ე.წ. „სოხუმის ადმინისტრაციის უფროსის“ ბესლან ეშბას განცხადებით, ისინი სტიქიის შედეგების უმოკლეს ვადებში აღმოფხვრასა და ქალაქის მოწესრიგებას ცდილობენ.