არანაირ ჩარჩოში არ ჯდება ეს ქმედება,- ასე აფასებს საქართველოს ფინანსთა მინისტრი ლაშა ხუციშვილი რუსთაველის გამზირზე მიმდინარე მოვლენებს.
როგორც მინისტრი განმარტავს, მთავრობა და შინაგან საქმეთა სამინისტრო ყველაფერს გააკეთებს, რომ სწორად და დროულად შეფასდეს ეს ფაქტები და პრევენცია მოხდეს, რომ მსგავსი რამ აღარ განმეორდეს.
„მინდა პირველ რიგში გამოვეხმაურო მედიაზე განხორციელებულ ფაქტებს, რამაც გამოიწვია მათი ჯანმრთელობის დაზიანება.
ყოვლად მიუღებელია აღნიშნული ფაქტები და არანაირი გამართლება არ აქვს მსგავსი ტიპის ძალადობას. მთავრობა და შინაგან საქმეთა სამინისტრო ყველაფერს გააკეთებს, რომ სწორად და დროულად შეფასდეს ეს ფაქტები და პრევენცია მოხდეს, რომ მსგავსი რამ აღარ განმეორდეს. დარწმუნებული ვარ, ყველა ქმედება იქნება იმისთვის, რომ თავიდან იქნას აცილებული დაპირისპირება. არანაირ ჩარჩოში არ ჯდება ეს ქმედება. პრემიერის განცხადება მიმართული იყო იმისკენ, რომ ყოველგვარი ტიპის დაპირისპირება იყოს თავიდან აცილებული“, - განაცხადა ხუციშვილმა.