კოალიცია „მედიის ადვოკატირებისთვის" კიდევ ერთხელ მოუწოდებს შსს-ს, მიიღოს ეფექტური ზომები ჟურნალისტების დასაცავად
კოალიცია „მედიის ადვოკატირებისთვის" კიდევ ერთხელ მოუწოდებს საქართველოს შინაგან საქმეთა სამინისტროს, მიიღოს ეფექტური ზომები ჟურნალისტების დასაცავად.
როგორც კოალიციის განცხადებაშია აღნიშნული, დღეს გავრცელებული ინფორმაციით, რუსთაველის გამზირზე ძალადობრივი ჯგუფები ჟურნალისტებს ფიზიკურ და სიტყვიერ შეურაცხყოფას აყენებენ.
„ძალადობრივი ჯგუფის წევრები ჟურნალისტებს თავს ესხმიან, აგინებენ და ტერიტორიის დატოვებას აიძულებენ.
ამ დრომდე უცნობია დააკავეს თუ არა ვინმე ჟურნალისტებზე თავდასხმის გამო. ხელისუფლების წარმომადგენლებს არ გაუკეთებიათ ღია განცხადებები აგრესიის დაგმობისა და შეჩერების მიზნით.
მოვუწოდებთ საქართველოს შინაგან საქმეთა სამინისტროს, გამოიყენოს ეფექტური ზომების მედიის უსაფრთხოების და გამოხატვის თავისუფლების საუკეთესო მიზნების გათვალისწინებით.
დარღვევების აღრიცხვის და მედიის სამართლებრივი მხარდაჭერისათვის კოალიცია "მედიის ადვოკატირებისთვის" ცხელი ხაზია 555 795 776“, - ნათქვამია განცხადებაში.
v-if="article.gallery" v-html="article.gallery"
