ანა წითლიძე - საქართველოს სამარცხვინო პრემიერის სამარცხვინო განცხადებამ ხელი შეუწყო იმას, რაც ახლა რუსთაველის გამზირზე ხდება

საქართველოს სამარცხვინო პრემიერის სამარცხვინო განცხადებამ ხელი შეუწყო იმას, რაც ახლა რუსთაველის გამზირზე ხდება, - ამის შესახებ „ნაციონალური მოძრაობის“ წევრმა, ანა წითლიძემ ჟურნალისტებთან „თბილისი პრაიდთან“ დაკავშირებულ მოვლენებზე საუბრისას განაცხადა.

როგორც წითლიძე აღნიშნავს, შინაგან საქმეთა სამინისტროს და პოლიციას, არ შეუძლია საკუთარი მოქალაქეების დაცვა.

„ჩვენ დღეს კიდევ ერთხელ დავინახეთ, რომ არ გვაქვს სახელმწიფო. კიდევ ერთხელ დავინახეთ, რომ შინაგან საქმეთა სამინისტროს და პოლიციას არ შეუძლია საკუთარი მოქალაქეების დაცვა. საქართველოს სამარცხვინო პრემიერის სამარცხვინო განცხადებამ ხელი შეუწყო იმას, რაც ახლა რუსთაველის გამზირზე ხდება. პასუხისმგებლობა ამ ქმედებებზე მთლიანად ეკისრება საქართველოს ხელისუფლებას“, - აღნიშნავს წითლიძე.