სოჭის ხელისუფლების განცხადებით, მდინარეებიდან ხოროტასა და მაცესტადან წყალი შეიძლება ნაპირებიდან გადავიდეს და მოსახლეობის ევაკუაცია გახდეს საჭირო, - ინფორმაციას რუსული მედია ავრცელებს.
მათივე ინფორმაციით, ამ შემთხვევისთვის მოსახლეობას დოკუმენტებისა და პირველადი საჭიროების ნივთების გამზადება სთხოვეს.
„ქალაქის ოპერატიული შტაბი უამინდობისგან გამოწვეული შედეგების აღმოსაფხვრელად 24 საათიან რეჟიმში მუშაობს. ძლიერი წვიმის შედეგად ადლერისა და ხოსტინსკის რაიონებში მდინარეებში, ხოროტასა და მაცესტაში წყლის დონის კრიტიკული მომატება შეიმჩნევა,“- აცხადებენ სოჭის ადმინისტრაციაში.
მედიის ინფორმაციით, ძლიერი წვიმის გამო სოჭში რამდენიმე სახლი და შენობა დაიტბორა.