საპატრიარქო მრევლს კიდევ ერთხელ მიმართავს, რომ დღეს, 17:00 საათზე, ქაშუეთის ტაძარში დაგეგმილ პარაკლისზე მივიდეს.

აღნიშნულთან დაკავშირებით მიმართვას თავად საპატრიარქო ავრცელებს.

„როგორც მოგეხსენებათ, „თბილისი პრაიდის" ორგანიზატორებმა დღეს დაგეგმილი აქცია გადადეს.

საზოგადოებას შევახსენებთ, რომ დღეს, 17 საათზე, ქაშუეთის ტაძარში ტარდება სამშვიდობო პარაკლისი. შესაბამისად, კვლავ მოვუწოდებთ ყველას, განსაკუთრებით მათ, ვინც დედაქალაქის სხვადასხვა ადგილას აპროტესტებს პრაიდის ორგანიზებას, შეიკრიბოს ქაშუეთის ტაძართან, თავი შეიკავოს ყოველგვარი აგრესიული, ძალადობრივი ქმედებისაგან და მშვიდობიან ვითარებაში დაესწროს ლოცვას“, - ნათქვამია საპატრიარქოს მიერ გავრცელებულ ინფორმაციაში.