სამწუხარო დღეა საქართველოს დემოკრატიული განვითარებისათვის, - ამის შესახებ Human Rights Watch-ის ასოცირებული დირექტორი ევროპასა და ცენტრალურ აზიაში გიორგი გოგია „ტვიტერში“ წერს, რითაც თბილისში განვითარებულ მოვლენებს ეხმიანება.
„ულტრა მემარჯვენე მოძალადე ბრბო, რომელსაც მხარს უჭერს ეკლესია და გამხნევებულია პრემიერ - მინისტრის წარმოუდგენლად უპასუხისმგებლო განცხადებით, თბილისის ცენტრში „პრაიდის მარშის“ აღსაკვეთად, ჟურნალისტებზე თავდასხმის განხორციელებისა და „პრაიდის“ ოფისში შესაჭრელად შეიკრიბა“, - წერს გიორგი გოგია.