ინგლისში კორონავირუსის პანდემიის გამო დაწესებული შეზღუდვების უმეტესობა უქმდება.რეგულაციების შემსუბუქების შესახებ სამეფოს პრემიერ-მინისტრმა ბორის ჯონსონმა განაცხადა.
პრემიერმა აღნიშნა, რომ დარჩენილი რეგულაციები 19 ივლისიდან მოიხსნება.
მისი თქმით, ქუჩაში გადაადგილებისას იქ, სადაც მასობრივი თავშეყრა არ ხდება, პირბადის ტარება სავალდებულო აღარ არის. ასევე გაუქმდება შეზღუდვა, რომელიც ერთ სახლში 6-ზე მეტი ადამიანის შეკრებას კრძალავდა. ჯონსონმა აღნიშნა, რომ რეგულაციების შემსუბუქების მთავარი წინაპირობა წარმატებული ვაქცინაცია გახდა.
აღსანიშნავია, რომ ინგლისში განხორციელებული ცვლილებები გაერთიანებულ სამეფოში შემავალ ერთეულებზე - შოტლანდიაზე, უელსსა და ჩრდილოეთ ირლანდიაზე არ ვრცელდება. თითოეულ მათგანს პანდემიის მართვის საკუთარი სტრატეგია აქვს.