„თბილისი პრაიდი“ - გვსურს, სრული მხარდაჭერა და სოლიდარობა გამოვუცხადოთ მედიის წარმომადგენლებს
„თბილისი პრაიდი“ სოლიდარობას უცხადებს მედიის წარმომადგენლებს, რომლებიც პროფესიული მოვალეობის შესრულებისას დაშავდნენ.
როგორც გავრცელებულ განცხადებაში განმარტავენ, მათთვის აღსანიშნავია ის გამბედაობა, სოლიდარული და პასუხისმგებლიანი სამოქალაქო პოზიცია, რომელიც მედიამ გამოიჩინა „პრაიდის“ კვირეულის გაშუქებისას.
“5 ივლისს, ძალადობრივი ჯგუფების თავდასხმის შედეგად დაშავდა 50-მდე ჟურნალისტი და მედიის წარმომადგენელი. გვსურს, სრული მხარდაჭერა და სოლიდარობა გამოვუცხადოთ მედიის წარმომადგენლებს, რომლებიც თავიანთი პროფესიული მოვალეობის შესრულებისას დაშავდნენ. გვინდა განსაკუთრებულად აღვნიშნოთ ის გამბედაობა, თავდადება, სოლიდარული და პასუხისმგებლიანი სამოქალაქო პოზიცია, რომელიც მედიამ გამოიჩინა „პრაიდის“ კვირეულის გაშუქებისას და ქვიარ თემის მხარდასაჭერად“,- აღნიშნულია გავრცელებულ განცხადებაში.
