ფილიპინების ხელისუფლებამ საჰაერო ძალების თვითმფრინავიდან, რომლის კატასტროფასაც 50-ზე მეტი ადამიანის სიცოცხლე ემსხვერპლა, „შავი ყუთი“ ამოიღო. ფილიპინების შეიარაღებული ძალების შტაბის უფროსის ცირილოტო სობეჯანას განცხადებით, „შავი ყუთის“ საშუალებით მფრინავებისა და ეკიპაჟის ბოლო საუბრებს მოისმენენ, რაც კატასტროფის მიზეზის გარკვევაში დაეხმარებათ.
„ძნელია იმის ვარაუდი, თუ რა მოხდა სინამდვილეში. კარგია, რომ „შავი ყუთი“ ამოღებულია და ჩვენ შეგვიძლია მოვუსმინოთ მფრინავებისა და ეკიპაჟის ბოლო საუბრებს“, - აღნიშნა სობეჯანამ.
ცნობისათვის, Lockheed C-130 ტიპის სამგზავრო თვითმფრინავში, რომელმაც კატასტროფა განიცადა, 96 ადამიანი, უმეტესად სამხედროები, იმყოფებოდა. შემთხვევის შედეგად დაიღუპა 49 სამხედრო და 3 სამოქალაქო პირი.