წინასწარი ინფორმაციით, რუსეთში, კამჩატკაში მომხდარი ავიაკატასტროფის შედეგად, სამგზავრო თვითმფრინავში მყოფი ადამიანებიდან არავინ გადარჩენილა, - ამის შესახებ ინფორმაციას რუსული საინფორმაციო სააგენტოები ავრცელებენ.
მათივე ინფორმაციით, თვითმფრინავის ნამსხვრევები აღმოჩენილია.
„წინასწარი ინფორმაციის თანახმად, An-26-ის ბორტზე მყოფი ყველა მგზავრი დაიღუპა, არავინ გადარჩენილა,“- განაცხადა წყარომ სააგენტოსთან საუბარში.
თვითმფრინავის ბორტზე, რომელიც პეტროპავლოვსკ-კამჩატსკიდან პალანასკენ მიემართებოდა, 28 ადამიანი - 22 მგზავრი და ეკიპაჟის 6 წევრი - იმყოფებოდა.