პირს, რომელსაც შსს-ს წარმომადგენლის განცხადებით, არასრულწლოვნებს ფერადი მაისურის გამო გაეკიდა, 3-დღიანი ადმინისტრაციული პატიმრობა შეეფარდა

მრგვალ ბაღთან "თბილისი პრაიდის" საწინააღმდეგო აქციაზე დაკავებულ სოსო გერლიანს 3-დღიანი ადმინისტრაციული პატიმრობა შეეფარდა. პატიმრობის ათვლა 5 ივლისიდან დაიწყო, შესაბამისად, ის დაწესებულებას 8 ივლისს დატოვებს.

აღნიშნული გადაწყვეტილება თბილისის საქალაქო სასამართლოს მოსამართლემ მანუჩარ ცაცუამ მიიღო.

როგორც შინაგან საქმეთა სამინისტროს წარმომადგენელმა განმარტა, მრგვალი ბაღის მიმდებარედ ორი ახალგაზრდა, სავარაუდოდ, არასრულწლოვნები ქვეითად გადაადგილდებოდნენ, რა დროსაც დაკავებულმა და აქციის მონაწილეებმა აგრესიულად, სიტყვიერი შეურაცხყოფა გამოხატეს და მათ გაედევნენ. უწყების წარმომადგენლის თქმით, ახალგაზრდებმა ჩიხში თავის შეფარება სცადეს, რა დროსაც დაკავებული სამართალდამცავებს არ ემორჩილებოდა, ის ახალგაზრდებს ჩიხშიც შეყვა. უწყების წარმომადგენლის თქმით, ადგილზე მყოფმა პირებმა, მათ შორის, პოლიციელებმაც აღიქვეს, რომ აქციის მონაწილეები არასრულწლოვნებს მისდევდნენ და ამის აღქმა მათი ვიზუალით, აღნაგობით მარტივად შესაძლებელი იყო.

უწყების წარმომადგენლის განმარტებითვე, არასრულწლოვნებს ფერადი მაისური ეცვათ, რაც გაკიდების მიზეზი გახდა. შსს-ს თანამშრომელი ასევე აცხადებდა, რომ აღნიშნული ფაქტი მას რომ შემთხვეოდა, არათუ არასრულწლოვანი, თავადაც კი ფსიქოლოგიურ ტრავმას მიიღებდა. დაკავებული აცხადებდა, რომ მას ის პირები, რომლებსაც გაეკიდა, არასრულწლოვნებად არ აღუქვამს. შსს-ს წარმომადგენლის განმარტებით, დაკავებული სიტყვიერ დაპირისპირებას არ ჯერდებოდა და სიტუაცია ფიზიკური დაპირიპირების საფრთხესაც შეიცავდა.

სოსო გერლიანი ადმინისტრაციულ სამართალდარღვევათა კოდექსის 166-ე და 173-ე მუხლებით დააკავეს, რაც საზოგადოებრივ ადგილზე ლანძღვას, გინებას, მოქალაქეების შეურაცხყოფას, ასევე პოლიციელის კანონიერი მოთხოვნისადმი დაუმორჩილებლობას, მისთვის სიტყვიერი შეურაცხყოფის მიყენებას გულისხმობს.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 06.10.2022
საქართველოს ბიზნეს ასოციაციის წევრი კომპანიების წარმომადგენლები საქართველოს პრემიერ-მინისტრს შეხვდნენ
„საქართველოს ბანკის“ მხარდაჭერით, თბილისში ახალი მრავალფუნქციური სივრცე „კომბინატი - Combinaty“ იხსნება
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო