სომხეთი აზერბაიჯანს სასაზღვრო ზონაში ცეცხლის გახსნის პროვოცირებაში ადანაშაულებს, აზერბაიჯანი ბრალდებას უარყოფს

აზერბაიჯანის შეიარღებულმა ძალებმა სომხეთის გეღარქუნიქის პროვინციაში, სასაზღვრო ზონაში მომხდარი სროლის პროვოცირება მოახდინეს, - ამის შესახებ სომხეთის შეიარაღებული ძალების გენერალური შტაბის ინფორმაციის დეპარტამენტის უფროსმა, პოლკოვნიკმა სამველ ასატრიანმა სომხურ მედიასთან საუბარში განაცხადა, რითაც მან კომენტარი გააკეთა სომეხ და აზერბაიჯანელ ჯარისკაცებს შორის მომხდარი სროლის შესახებ გავრცელებულ ინფორმაციაზე.

”სროლის პროვოცირება აზერბაიჯანელმა ჯარისკაცებმა მოახდინეს. სომხეთის მხრიდან ერთმა ჯარისკაცმა მსუბუქი დაზიანება მიიღო. ჩვენი ინფორმაციით, აზერბაიჯანულ მხარეს ორი დაჭრილი სამხედრო ჰყავს ”, - აღნიშნა სამველ ასატრიანმა.

სომხური მხარის მიერ გავრცელებულ ინფორმაციას აზერბაიჯანი გამოეხმაურა. ქვეყნის თავდაცვის სამინისტროს ინფორმაციით, აზერბაიჯანის არმიის წარმომადგენლებს ცეცხლი არ გაუხსნიათ.

„სამხედროებს შორის დაჭრილები არ არიან. თუკი სომხეთის შეიარაღებულ ძალებში ვინმე დაიღუპა ან დაიჭრა, ეს შესაძლოა მათ შორის მომხდარი ინციდენტის შედეგი იყოს,“- აცხადებენ უწყებაში.

ბაკურ კვაშილავა - 19 აპრილის შეთანხმებიდან მმართველი გუნდის გამოსვლა არ ნიშნავს იმას, რომ იგი არ არსებობს - თუ მათ ხმების 43% ვერ მიიღეს, „ქართულ ოცნებას“ მოუწევს ვადამდელი არჩევნების დანიშვნა
ქართული პრესის მიმოხილვა 02.08.2021
ისრაელის ელჩი - საქართველოს ყველა მეგობრისთვის 5 ივლისის მოვლენები აბსოლუტურად შოკისმომგვრელი იყო
ვიქტორ ყიფიანი - მოქმედება თუ უმოქმედობა: ასარჩევი აი ეს არის
ურთიერთთანამშრომლობის მემორანდუმი კავკასიის უნივერსიტეტს და ქეჯის ბიზნესის სკოლას შორის
"თიბისის" აპლიკაციების კონკურსი იწყება
კავკასიის უნივერსიტეტის და ნიუ ჯერსის უნივერსიტეტის ერთობლივი ორმაგი ხარისხის პროგრამა