მაკა ბოჭორიშვილი  - რუსეთის მიერ ჩადენილი უკანონო ქმედებები საკმაოდ საშიშ სახეს აძლევს შავი ზღვის უსაფრთხოების მომავალს

რუსეთის მიერ ჩადენილი უკანონო ქმედებები საკმაოდ საშიშ სახეს აძლევს შავი ზღვის უსაფრთხოების მომავალს, - ამის შესახებ საქართველოს პარლამენტის ევროინტეგრაციის კომიტეტის თავმჯდომარის, ეუთოს საპარლამენტო ასამბლეისადმი გაგზავნილ მიმართვაშია ნათქვამი.

მისი თქმით, რუსეთის მიერ ჩადენილი უკანონო ქმედებები საკმაოდ საშიშ სახეს აძლევს შავი ზღვის უსაფრთხოების მომავალს.

„დღეს კვლავ გრძელდება რუსეთის მიერ საქართველოს რეგიონების - აფხაზეთისა და ცხინვალის ოკუპაცია. რუსეთმა სათავე დაუდო ე.წ. „ახალ რეალობას" და მუდმივად არღვევს საერთაშორისო სამართლის ფუნდამენტურ ნორმებსა და პრინციპებს, ძირს უთხრის წესებზე დაფუძნებულ საერთაშორისო წესრიგს. საჭიროა საერთაშორისო საზოგადოების აქტიური მონაწილეობა, რუსეთ-საქართველოს კონფლიქტის მშვიდობიანი გზით მოგვარებისა და რუსეთის მიერ 2008 წლის 12 აგვისტოს ცეცხლის შეწყვეტის შეთანხმების სრულად შესრულებისთვის. ბოლო რამდენიმე წელმა ნათლად აჩვენა, რომ შავი ზღვის რეგიონი ხშირად ხდება დაპირისპირებათა ეპიცენტრი. რუსეთის მიერ ჩადენილი უკანონო ქმედებები საკმაოდ საშიშ სახეს აძლევს შავი ზღვის უსაფრთხოების მომავალს. ამიტომ, კრიტიკულად მნიშვნელოვანია იმ მთავარ უსაფრთხოების გამოწვევებთან გამკლავება, რომლის წინაშეც ამჟამად ვდგავართ", - აღნიშნულია მიმართვაში.

მიმართვაში ასევე საუბარია ადამიანის ფუნდამენტური უფლებებისა და თავისუფლებების დაცვის მნიშვნელობაზე და მათი ეფექტიანი უზრუნველყოფისთვის საჭიროა ძალისხმევაზე.

მაკა ბოჭორიშვილი 2021 წლის 5 ივლისს თბილისში განვითარებულ მოვლენებს ეხმაურება და აღნიშნავს: „ძალადობის ადგილი არ არის საქართველოში. თითოეული ძალადობის ფაქტს მკაცრი სამართლებრივი რეაგირება მოჰყვება. საქართველო არის ევროპული და ევროატლანტიკური ფასეულობების ერთგული".

ისრაელის ელჩი - საქართველოს ყველა მეგობრისთვის 5 ივლისის მოვლენები აბსოლუტურად შოკისმომგვრელი იყო
ქართული პრესის მიმოხილვა 29.07.2021
კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
გიორგი ხვედელიანი - ვადამდელი არჩევნების დანიშვნას მიშელის ხელშეკრულება კი არა, ქართველი ხალხის ნება გადაწყვეტს
კომპანია "იორკ თაუერსმა" დავით ტურაშვილთან ერთად ახალი კამპანია წამოიწყო
"სამსუნგის" Bespoke მაცივარი - შექმნილია შენთვის, შენ მიერ (R)
GIZ-ის მხარდაჭერით დაგეგმილია გარემოს ეროვნული სააგენტოს ხელშეწყობა თანამედროვე მონიტორინგული სისტემების დანერგვის პროცესში
„ნიკოს ეზო“ და „ფარდაგები რაჭიდან“ - Social Impact Award-ის ფინალისტები საგანმანათლებლო სფეროდან