ერაყში, აშშ-ის სამხედრო ბაზის წინააღმდეგ განხორციელებული სარაკეტო თავდასხმის შედეგად 2 ადამიანი დაშავდა, - ინფორმაციას Reuters-ი აშშ-ის მეთაურობით მოქმედ კოალიციაზე დაყრდნობით ავრცელებს.

გავრცელებული ინფორმაციით, ერაყის დასავლეთ ნაწილში მდებარე ავიაბაზასა და მის პერიმეტრზე სულ მცირე 14 რაკეტა დაეცა.

მომხდარზე პასუხისმგებლობა ჯერჯერობით არავის აუღია.

აღსანიშნავია, რომ ირანის მიერ მხარდაჭერილმა ერაყის გასამხედროებულმა დაჯგუფებებმა რამდენიმე დღის წინ სამაგიეროს გადახდის პირობა დადეს მას შემდეგ, რაც აშშ-ის მიერ ერაყი-სირიის საზღვარზე განხორციელებულ ავია იერიშს მათი ოთხი წევრი ემსხვერპლა.