საფრანგეთში, მიმდინარე კვირაში, კორონავირუსით ინფიცირების შემთხვევების დაახლოებით 40% „დელტა“ ვარიანტზე მოდის, - ამის შესახებ ქვეყნის მთავრობის პრესსპიკერმა გაბრიელ ატალმა განაცხადა.
მისი თქმით, „დელტა“ ვარიანტის წილი ბოლო სამი კვირის განმავლობაში ყოველ კვირაში ორმაგდება.
მთავრობის პრესსპიკერის განმარტებით, სამი კვირის წინ აღნიშნულ ვარიანტზე ინფიცირების შემთხვევების 10%-ი მოდიოდა, ეს მაჩვენებელი გასულ კვირაში 20%-მდე, მიმდინარე კვირაში კი - 40%-მდე გაიზარდა.
გამოცემა Bloomberg-ის მონაცემებით, საფრანგეთში სრულად ვაქცინირებული მოსახლეობის თითქმის 40%-ია.