ტურიზმის ეროვნულმა ადმინისტრაციამ სამცხე-ჯავახეთში გასტრო-ტური გამართა

საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაცია გასტრონომიის ასოციაციასთან და გასტრონომიული ტურიზმის ბიზნეს ასოციაციასთან ერთად რეგიონებში გასტრონომიულ ტურებს აგრძელებს. ამის შესახებ ინფორმაციას ტურიზმის ეროვნული ადმინისტრაცია ავრცელებს.

მათივე ინფორმაციით, ადმინისტრაციის ორგანიზებით სამცხე-ჯავახეთის მხარეს გამოცდილი შეფმზარეულები ესტუმრნენ და ადგილობრივ კერძებსა და მომზადების წესებს გაეცნენ, გასტრო-ტურის ფარგლებში შეფმზარეულებმა მასპინძლებთან ერთად კერძები მოამზადეს. ტურის ფარგლებში კულინარიული მასტერკლასები გაიმართა სოფელ ჭობარეთში, ტურის მონაწილეები ესტუმრნენ სოფელ უდეში დედათა მონასტერს, დაათვალიერეს ახალციხეში მდებარე რაბათის ციხე და მუზეუმი. კულინარიული ტურის ფარგლებში ასპინძაში მოეწყო ქვევრის ლუდის დეგუსტაცია.

„გასტრო ტურიზმი დღეს ერთ-ერთი ახალი ტურისტული მიმართულებაა, რომელიც საკმაოდ დიდი პოპულარობით სარგებლობს, როგორც საერთაშორისო, ასევე შიდა ტურისტებში. ჩვენი ამოცანა და პროექტის მიზანია საქართველოს ყველა კუთხის ერთმანეთისგან ძალიან განსხვავებული გასტრონომიული პოტენციალის წარმოჩენა, სწორ ტურისტულ პროდუქტად ფორმირება და შემდეგ ჩვენი ვიზიტორებისათვის შეთავაზება“, - განაცხადა ტურიზმის ეროვნული ადმინისტრაციის ხელმძღვანელის მოვალეობის შემსრულებელმა მედეა ჯანიაშვილმა.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა