გაერთიანებული სამეფოს პრემიერ-მინისტრის, ბორის ჯონსონის განცხადებით, ბრიტანეთის ჯარის უმეტესი ნაწილი ავღანეთიდან გაყვანილია.
„ყველა ბრიტანელი სამხედრო, რომელიც ავღანეთში ნატო-ს მისიაში მონაწილეობდა, ახლა სახლში ბრუნდება. გასაგები მიზეზების გამო, მე არ გავასაჯაროებ გასვლის გრაფიკს, თუმცა შემიძლია ვუთხრა პარლამენტს, რომ ჩვენი პირადი შემადგენლობის უმეტესობამ ქვეყანა უკვე დატოვა“, - განაცხადა ბორის ჯონსონმა პარლამენტში საუბრისას.
ბრიტანეთის ძალები ავღანეთში 2001 წელს, 9/11 ტერაქტების შემდეგ განათავსეს. მისიის განმავლობაში ავღანეთში 457 ბრიტანელი სამხედრო დაიღუპა.