ჯო ბაიდენის განცხადებით, აშშ ავღანეთში ომს 31 აგვისტოსთვის დაასრულებს
აშშ-ს პრეზიდენტმა ჯო ბაიდენმა ავღანეთიდან სამხედრო ძალების გაყვანის შესახებ გადაწყვეტილებაზე ისაუბრა და განაცხადა, რომ აშშ-ს ოპერაციები 31 აგვისტოს დასრულდება. ბაიდენის თქმით, ახლა ავღანელებმა უნდა დაიცვან თავისი ქვეყანა.
"მარტო ავღანელებმა უნდა გადაწყვიტონ თავიანთი მომავალი. ეს მხოლოდ ავღანელი ხალხის უფლება და პასუხისმგებლობაა გადაწყვიტოს მათი მომავალი და როგორ უნდათ თავიანთი ქვეყნის მართვა", - თქვა ბაიდენმა.
ამერიკის შეერთებულმა შტატებმა ავღანეთიდან ჯარის გაყვანა ოფიციალურად 1-ელ მაისს დაიწყო. ჯო ბაიდენმა ავღანეთიდან ამერიკული დანაყოფების გამოყვანის თაობაზე აპრილში განაცხადა.
