შვედეთში თვითმფრინავმა კატასტროფა განიცადა, რის შედეგადაც ბორტზე მყოფი ცხრავე ადამიანი დაიღუპა, - ინფორმაციას BBC-ი ადგილობრივ სამართალდამცავებზე დაყრდნობით ავრცელებს.
მათივე ინფორმაციით, თვითმფრინავში რვა პარაშუტისტი და ერთი პილოტი იმყოფებოდნენ. კატასტროფა ორებროს აეროპორტის ასაფრენ ბილიკთან ახლოს, თვითმფრინავის აფრენისას მოხდა. ტრაგედიას შვედეთის პრემიერ-მინისტრი სტეფან ლოფვენი გამოეხმაურა და დაღუპულთა ოჯახებსა და ახლობლებს მიუსამძიმრა.