აზერბაიჯანის თავდაცვის უწყება სომხურ მხარეს ცეცხლის გახსნაში ადანაშაულებს. ინფორმაციას აზერბაიჯანული მედია ავრცელებს.
„სომხეთის შეიარაღებული ძალების ქვედანაყოფებმა, რომლებიც ჭამბარაკთან არიან განლაგებული, აზერბაიჯანის არმიის პოზიციებს გადაბეის რაიონის სოფელ ზამანლის მიმართულებით ცეცხლი გაუხსნეს,“- აცხადებენ აზერბაიჯანის თავდაცვის სამინისტროში.
მათივე ინფორმაციით, ინციდენტის შედეგად აზერბაიჯანელ ჯარისკაცებს შორის არავინ დაშავებულა ან დაღუპულა.