მსოფლიოს უფრო მეტი ინვესტიციის ჩადება სჭირდება, რათა თავიდან აიცილოს კოვიდ პანდემიის მსგავსი სიტუაცია, - ამის შესახებ ნათქვამია “დიდი ოცეულის“ ექსპერტების ჯგუფის მოხსენებაში, რომელიც ვენეციაში გამართულ ფინანსთა მინისტრების სამიტზე წარადგინეს.
"მსოფლიო შორს არის იმისგან, რომ მზად იყოს მომავალი პანდემიის პრევენციისთვის და შესაჩერებლად. არსებობს ალბათობა, რომ შემდეგი პანდემია ათწლეულის განმავლობაში იქნება - გრიპის ახალი შტამიდან, სხვა კორონავირუსიდან ან კიდევ სხვა რომელიმე საშიში პათოგენიდან", - ნათქვამია მაღალი დონის დამოუკიდებელი ჯგუფის მოხსენებაში.
ექსპერტები „დიდი ოცეულის“ ქვეყნებს რეკომენდაციას აძლევენ, პრევენციისა და მზადყოფნისთვის ხარჯები მომავალი 5 წლის განმავლობაში მინიმუმ 75 მილიარდი დოლარით გაზარდონ.