მოლდოვაში საპარლამენტო არჩევნები მიმდინარეობს
მოლდოვაში ვადამდელი საპარლამენტო არჩევნები მიმდინარეობს.
საარჩევნო უბნები ადგილობრივი დროით დილის 7:00 საათზე გაიხსნა და 21:00 საათზე დაიხურება.
გამოცემა Aljazzera წერს, რომ არჩევნების მთავარი ოპონენტები პრეზიდენტ მაია სანდუს „მოქმედებისა და სოლიდარობის პარტია“ და ყოფილ პრეზიდენტ იგორ დოდონის „მოლდოვის რესპუბლიკის სოციალისტების პარტია“ არიან.
გამოცემის მიხედვით, მაია სანდუ ქვეყნის პროდასავლური განვითარების მომხრეა, იგორ დოდონს კი რუსეთთან დაახლოება სურს. მოლდოვაში ვადამდელი საპარლამენტო არჩევნები მას შემდეგ დაინიშნა, რაც ქვეყნის ახალმა პრეზიდენტმა მაია სანდუმ პარლამენტი გადააყენა.
