სომხეთში ბოლო დღე-ღამის განმავლობაში კორონავირუსის 71 ახალი შემთხვევა დაფიქსირდა და დღემდე გამოვლენილი დადასტურებული შემთხვევების საერთო რაოდენობა 226 459-მდე გაიზარდა. ამის შესახებ ქვეყნის დაავადებათა კონტროლისა და პროფილაქტიკის ცენტრი იუწყება.

ამავე პერიოდის განმავლობაში სომხეთში ვირუსით კიდევ 3 პაციენტი გარდაიცვალა და პანდემიის დაწყების დროიდან დაღუპულთა საერთო რაოდენობა 4 547-მდე გაიზარდა.

ქვეყანაში ვირუსისგან 217 731 ადამიანი გამოჯანმრთელდა, აქტიური შემთხვევების რაოდენობა კი 4 181-ს შეადგენს.