ნიდერლანდების პრემიერ-მინისტრმა მარკ რუტემ პანდემიით გამოწვეული შეზღუდვების ადრე მოხსნის გამო საზოგადოებას ბოდიში მოუხადა.

პრემიერის თქმით, გასულ თვეში რეგულაციების ეტაპობრივ გაუქმებას ქვეყანაში ვირუსის გავრცელების ახალი ტალღა მოჰყვა.

„ის რაც ჩვენ სწორი გადაწყვეტილება გვეგონა, რეალურად შეცდომა აღმოჩნდა. ჩვენ არასწორი გათვლა გავაკეთეთ, რის გამოც იმედგაცრუებულები ვართ და ბოდიშს გიხდით“, - განაცხადა პრემიერ-მინისტრმა.

კორონავირუსის შემთხვევების ზრდის გამო ნიდერლანდების მთავრობამ ახლად გახსნილი ბარებისა და კლუბების დაკეტვის გადაწყვეტილება მიიღო. Euronews წერს, რომ ნიდერლანდებში ეპიდსიტუაციის გაუარესება ინდური შტამის ფართოდ გავრცელებასთანაა დაკავშირებული.