აშშ-ის პროკურატურამ ირანის ოთხ მოქალაქეს ჟურნალისტის გატაცების დაგეგმვისთვის ბრალი წაუყენა

აშშ-ის ფედერალურმა პროკურატურამ ირანის ოთხ მოქალაქეს, რომლებიც სავარაუდოდ ირანის დაზვერვის სამსახურის თანამშრომლები არიან, ჟურნალისტისა და ადამიანის უფლებების აქტივისტის გატაცების დაგეგმვისთვის ბრალი წაუყენა, - ინფორმაციას Reuters-ი აშშ-ის იუსტიციის დეპარტამენტზე დაყრდნობით ავრცელებს.

სააგენტოს ცნობით, მიუხედავად იმისა, რომ დეპარტამენტმა თავდასხმის ობიექტი არ დაასახელა, Reuters-მა დაადგინა, რომ საუბარია „ამერიკის ხმის“ სპარსულენოვანი სამსახურის თანამშრომელ მასიჰ ალინეჯადზე, რომელიც ირანის ხელისუფლების მიმართ კრიტიკულადაა განწყობილი.

აშშ-ის იუსტიციის დეპარტამენტში აცხადებენ, რომ ირანელმა საიდუმლო აგენტებმა დაიქირავეს კერძო დეტექტივები, რომლებსაც ჟურნალისტის ოჯახისა და სახლისთვის ვიდეოები უნდა გადაეღოთ, რაც მისი გატაცების დაგეგმვაში დაეხმარებოდათ.

ბრალდებულები გეგმავდნენ, რომ მსხვერპლი ნიუ-იორკიდან ჯერ კარაკასში, შემდეგ კი ირანში გადაეყვანათ.

FBI–ს აგენტებმა ალინეჯადი მიმდინარე წლის დასაწყისში გააფრთხილეს, რომ ირანი აპირებდა მის გატაცებას და ჟურნალისტი და მის მეუღლე გამოძიების დასრულებამდე უსაფრთხო ადგილას გადაიყვანეს.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა