მიხეილ სარჯველაძის შეფასებით, წინაპირობა, რამაც შეიძლება ევროკავშირის დახმარების შეწყვეტის საფრთხე წარმოშვას, არ არსებობს

"ქართული ოცნების" დეპუტატის მიხეილ სარჯველაძის შეფასებით, იმის წინაპირობა, რამაც შეიძლება ევროკავშირის დახმარების შეწყვეტის საფრთხე წარმოშვას, არ არსებობს.

სარჯველაძის განცხდებით, ყველაფერი ახსნადია და სიმართლის დანახვა არავის გაუჭირდება.

„გავეცანით განცხადებას, რომელშიც გამოთქმულია მოსაზრება ხარვეზებთან დაკავშირებით, რომლითაც მათი აზრით, უზენაესი სასამართლოს მოსამართლეთა შერჩევის პროცესი წარიმართა. პროცედურა პარლამენტმა ახლახანს დაასრულა. ჩვენ ვთვლით, რომ ეს ასე ნამდვილად არ არის. არ არსებობს რისკი იმისა, მიჩნეულ იქნას, რომ საბიუჯეტო დახმარების მეორე ტრანშის წინაპირობასთან ან შარლს მიშელის დოკუმენტით გათვალისწინებულ რომელიმე დებულებასთან რაიმე კოლიზიურ მდგომარეობაში ვექცევით. თუკი ყურადღება მიაქციეთ, გამოთქმულია მზაობა მოლაპარაკებების და კონსულტაციების თაობაზე. არ უნდა იყოს პრობლემა ჩვენ ჩვენს საერთაშორისო პარტნიორებს მივაწოდოთ არგუმენტები, რითაც გაბათილდება ეჭვები, რის თაობაზეც ოპოზიცია დიდი ხნით ადრე საუბრობდა", - განუცხადა ჟურნალისტებს მიხეილ სარჯველაძემ.

მანვე აღნიშნა, რომ უზენაესის სასამართლოს მოსამართლეები პარლამენტმა მას შემდეგ აირჩია, რაც ვენეციის კომისიის რეკომენდაციების გათვალისწინება მოხდა.

შეგახსენებთ, რომ ევროკომისიის განცხადებით, მოსამართლეების არჩევა ხელისუფლებისთვის დაკარგული შესაძლებლობაა სასამართლოს რეფორმის მიმართ ერთგულების დამტკიცებისთვის - ამ ნაბიჯმა შეიძლება მაკრო-ფინანსური დახმარების მეორე ტრანშის გამოყოფაზე უარყოფითად იმოქმედოს.

ფარხატ მამედოვი -  აზერბაიჯანის ხელისუფლება ცდილობს შექმნას პირობები, რომ მთიან ყარაბაღში მცხოვრებმა მოსახლეობამ მიიღოს გადაწყვეტილება დარჩნენ ყარაბაღში, როგორც აზერბაიჯანის მოქალაქეები
გიორგი ანთაძე - ეროვნული ბანკის გარშემო განვითარებული მოვლენები კიდევ ერთხელ ცხადყოფს რამდენად მეორეხარისხოვანია ეროვნული ინტერესები ქართულ პოლიტიკურ რეალობაში
ქართული პრესის მიმოხილვა 21.09.2023
საგარეო უსაფრთხოების საშინაო განზომილება: დანიშნულება და სპეციფიკა
ტერაბანკმა მცირე და საშუალო ბიზნესის გაციფრულების პლატფორმა Saasargeblo.ge წარადგინა
სადისტრიბუციო კომპანია მზიური BDO Digital-თან პარტნიორობით თანამედროვე ERP სისტემას ნერგავს
TKT.GE განცხადებას ავრცელებს
განსაკუთრებული შეთავაზება „ჰიუნდაის“ ბესტსელერ მოდელზე  30 ოქტომბრამდე გრძელდება
კურორტ გოდერძიზე „ალიანს ჯგუფმა“ ახალი ტიპის კომპლექსს ჩაუყარა საფუძველი