თალიბებმა ავღანეთსა და პაკისტანს შორის მდებარე მნიშვნელოვან სასაზღვრო პუნქტზე საკუთარი დროშა აღმართეს და აცხადებენ, რომ სასაზღვრო პუნქტს თავად აკონტროლებენ, - ინფორმაციას BBC-ი სხვადასხვა წყაროზე დაყრდნობით ავრცელებს.
გამოცემის ცნობით, სოციალურ მედიაში ვრცელდება ვიდეო, სადაც ჩანს, როგორ ფრიალებს დროშა ყანდაართან ახლოს მდებარე სპინ-ბოლდაკის სასაზღვრო გადასასვლელზე. BBC-ი წერს, რომ გამოცემას არ შეუძლია იმის დადასტურება, უტყუარია თუ არა გავრცელებული ვიდეო, თუმცა, გამოცემას წყარომ აცნობა, რომ „თალიბანმა“ სასაზღვრო გადასასვლელი წინააღმდეგობის გარეშე აიღო. ამასთან, ავღანეთის ხელისუფლება სასაზღვრო პუნქტის დაცემის შესახებ გავრცელებულ ინფორმაციას უარყოფს.
BBC-ის ცნობით, პაკისტანის ოფიციალურმა პირებმა გამოცემას დაუდასტურეს, რომ „თალიბანმა“ სასაზღვრო პუნქტი ხელში ჩაიგდო.