ახალი ეპოქა დაიწყო - მშენებლობის, პოსტ-კონფლიქტური ეპოქა. მსურს კიდევ გავიმეორო, რომ სომხეთ-აზერბაიჯანის მთიანი ყარაბაღის კონფლიქტი მოგვარებულია და ის ჩვენ, აზერბაიჯანის სახელმწიფომ, მოვაგვარეთ, - ამის შესახებ აზერბაიჯანის პრეზიდენტმა ილჰამ ალიევმა განაცხადა.

მისი თქმით, მიუხედავად იმისა, რომ კონფლიქტი მოგვარებულია, აზერბაიჯანი ომისთვის ნებისმიერ დროს მზად უნდა იყოს.

„ზოგიერთები ამბობენ, რომ საკითხი უნდა გადაწყდეს, რომ ეს კონფლიქტი არ მოგვარებულა. ისინი არასწორ და სახიფათო გზას ადგანან. თუკი არ მოგვარებულა, აგვიხსნან, როგორ უნდა მოგვარდეს. ჩვენ ვთვლით, რომ კონფლიქტი მოგვარდა და ომი დასრულდა. მიუხედავად ამისა, ჩვენ მზად ვართ და ნებისმიერ დროს მზად უნდა ვიყოთ ომისთვის,“- აღნიშნა ალიევმა.