ეს არის მცდელობა, რომ შარლ მიშელის ჩამოსვლისთვის ხელისუფლებას ჰქონდეს ალიბი, - ასე ეხმიანება „ლელოს" დეპუტატი ანა ნაცვლიშვილი 18 ივლისს პარლამენტში დაგეგმილ შს მინისტრის მისვლას. ნაცვლიშვილის თქმით, ისინი ამ მოსმენას დაესწრებიან და მინისტრს მათ კითხვებზე პასუხის გაცემა მოუწევს.

„ეს არის მცდელობა, რომ შარლ მიშელის ჩამოსვლისთვის ხელისუფლებას ჰქონდეს ალიბი, ძალიან პრობლემური, მაგრამ გარკვეული ალიბი. თუმცა, ეს გაუჭირდებათ მათ, რადგან მათ აქვთ არაერთი მიმართულებით მძიმე მდგომარეობა.

გომელაურის მოსვლის მოთხოვნა ჰქონდა ოპოზიციას და შესაბამისად, ჩვენ გვექნება ძალიან ბევრი კითხვა მინისტრთან. ძალიან მნიშვნელოვანია, ჩვენ ვნახოთ რეალური პროცესი და არა ის, როცა აქ პრემიერ- მინისტრი იყო მოსული და თითქმის არც ერთ კითხვას კონკრეტულად არ პასუხობდა“, - განაცხადა ნაცვლიშვილმა.

ცნობისათვის, პარლამენტის რიგგარეშე სხდომაზე შს მინისტრი, ვახტანგ გომელაური 18 ივლისს მივა.

ევროპული საბჭოს პრეზიდენტის, შარლ მიშელის საქართველოში ვიზიტი კი 18-19 ივლისს იგეგმება.