თურქეთში, შავი ზღვისპირა რიზეს პროვინციაში ძლიერმა წვიმებმა წყალდიდობა და მეწყერები გამოიწვია.როგორც თურქული მედია იუწყება, სტიქიას მინიმუმ 6 ადამიანი ემსხვერპლა, 2 კი დაკარგულად ითვლება.
მედიის ცნობით, წყალდიდობამ წალეკა ავტომობილები და რამდენიმე სახლის ნგრევა გამოიწვია. ნიაღვარმა გაანადგურა ნათესებიც.
ჯანდაცვის მინისტრის, ფაჰრეთინ კოჩას განცხადებით, რეგიონში სამაშველო ჯგუფები გაგზავნეს, რომლებიც დაკარგულ 2 ადამიანს ეძებენ. მისივე თქმით, სტიქიის გამო ათობით სოფელი გარესამყაროს მოწყდა და ელექტროენერგიის მიწოდება შეუწყდა, ხოლო 100-ზე მეტი ადამიანის სახლებიდან ევაკუაცია განხორციელდა.