„პურის მცხობელთა ასოციაციის“ თავმჯდომარე - პურის ფასს 10 თეთრით მოვუმატეთ, მაგრამ მაღაზიები როგორ იქცევიან, პასუხისმგებელი არ ვარ

პურის ფასს 10 თეთრით მოვუმატეთ, მაგრამ მაღაზიები ამ შემთხვევაში როგორ იქცევიან პასუხისმგებელი არ ვარ. პროგნოზი ცუდი არ არის, საქართველოში კარგი მოსავალია, თუმცა ოქტომბერ-ნოემბრამდე ფასის ცვლილება მოსალოდნელი არ არის, - ამის შესახებ „საქართველოს პურის მცხობელთა ასოციაციის“ თავმჯდომარემ მალხაზ დოლიძემ მედიაცენტრ „მთავარში“ განაცხდა.

როგორც დოლიძემ აღნიშნა, აქვს სიგნალი, რომ ზოგიერთ სუპერმარკეტში პურის ფასმა 10-ით კი არა 15 თეთრით მოიმატა.

„ჩვენ პურს ფასი მოვუმატეთ 10 თეთრით, მაგრამ მე არ ვარ პასუხისმგებელი მაღაზიები, როგორ იქცევიან ამ შემთხვევაში. იცით, ფასების ლიბერალიზაციაა, ზოგმა თავისი შეხედულებით, შეიძლება მეტიც დაადოს, რასაც ვთვლი, რომ ამ ეტაპზე არასწორი მოქმედება იქნება. რატომ მოიმატა პურის ფასმა 10 თეთრით?! თუ გახსოვთ, სუბსიდირებული 1 ტომარა ფქვილი ადრე 53 ლარად მოგვეწოდებოდა, დღეს ფქვილის ღირებულება 60-62 ლარია, მისი რენტაბელურობიდან გამომდინარეა 10 თეთრიანი სხვაობა.

არ მინდა ვინმე შევაშინო, პროგნოზი ცუდი არ არის. გვაქვს ინფორმაცია, რომ საქართველოში კარგი მოსავალია. უკვე ფოთშიც შემოვიდა საკმაოდ ხელმისაწვდომ ფასად ხორბალიც. შეიძლება, ფქვილის ღირებულებამ დაიკლოს. გარდა ამისა, რუსეთიდანაც შემოდის ფქვილი და ბევრი მეწარმე იძენს. მინდა იცოდეთ, რომ ბევრი მეწარმე ფქვილს 57-58 ლარადაც იძენს. თუმცა ჯერჯერობით, რომ ფასი დაიკლებს ამას ვერ დაგიდასტურებთ. ოქტომბერ-ნოემბრამდე ეს ფასი გვექნება, რაიმე ცვალებადობა მოსალოდნელი არ არის“, - განაცხადა დოლიძემ.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა