ეიფელის კოშკი დღეიდან ვიზიტორებისთვის გაიხსნა, - ინფორმაციას Reuters-ი ავრცელებს. სააგენტოს ცნობით, ტერიტორიაზე შესული ნებისმიერი, 11 წლის ზემოთ ასაკის პირისთვის, პირბადის ტარება სავალდებულოა. ამასთან, კოშკის ლიფტებში ვიზიტორების ჩვეულებრივ მიღებული რაოდენობის მხოლოდ ნახევარი იქნება დაშვებული.
21 ივლისიდან დამთვალიერებლები ვალდებულები იქნებიან ე.წ. კოვიდპასპორტები წარადგინონ, რათა აჩვენონ, რომ ვაქცინირებული არიან ან კორონავირუსზე ჩატარებული ტესტის პასუხი უარყოფითია.
ცნობისთვის, კორონავირუსის პანდემიის გამო ეიფელის კოშკი ვიზიტორებისთვის დაახლოებით 8 თვის წინ დაიხურა.