დიდ ბრიტანეთში გასული დღე-ღამის განმავლობაში კორონავირუსის 51 870 ახალი შემთხვევა დაფიქსირდა.
„სქაი ნიუსის“ ინფორმაციით, ეს ბოლო 6 თვეში ქვეყნისთვის კოვიდით დაინფიცირების ყველაზე მაღალი დღიური მაჩვენებელია.
ბოლოს ყველაზე მაღალი - 55 760 შემთხვევა 15 იანვარს იყო.
გარდა ამისა, ქვეყანაში ვირუსს ბოლო დღე-ღამეში კიდევ 49 ადამიანი ემსხვერპლა.
ჯანდაცვის მდივანმა განაცხადა, რომ ზრდასრული მოსახლეობის უკვე ორ მესამედზე მეტი კოვიდსაწინააღმდეგო ვაქცინების 2 დოზით არის აცრილი.