ადვოკატის განცხადებით, სტრასბურგის სასამართლომ მიხეილ კალანდიას საჩივარი წარმოებაში მიიღო

დავით სარალიძის განზრახ ჯგუფურად მკვლელობაში მსჯავრდებულ მიხეილ კალანდიას საჩივარი ადამიანის უფლებათა ევროპულმი სასამართლოს ადმინისტრაციამ წარმოებაში მიიღო. აღნიშნულის შესახებ „ინტერპრესნიუსს" კალანდიას ადვოკატმა ზურაბ თოდუამ განუცხადა.

როგორც ის აღნიშნავს, სტრასბურგის სასამართლო კალანდიას საჩივარს შესაძლებლობისთანავე განიხილავს.

„2021 წლის 17 ივნისს, ადამიანის უფლებათა ევროპული სასამართლოს ადმინისტრაციამ მიიჩნია, რომ ხორავას ქუჩის საქმეზე პოლიტიკური ნიშნით გასამართლებულ, იურიდიული ფაკულტეტის მე-2 კურსის წარჩინებული სტუდენტის, მიხეილ კალანდიას საჩივარს მიენიჭოს შესაბამისი სარეგისტრაციო ნომერი, საქმეს ეწოდოს Kalandia v. Georgia და გადაეცეს განხილვის მე-2 ეტაპს.

იმისათვის, რომ ადამიანის უფლებათა ევროპულმა სასამართლომ ეს გადაწყვეტილება მიიღოს, აუცილებელია შემდეგი მოთხოვნების დაკმაყოფილება: საქმე სასამართლოში შესაძლებელია წარდგენილ იქნას მხოლოდ მას შემდეგ, რაც ამოწურული იქნება შიდასამართლებრივი დაცვის საშუალებანი; მომჩივნის პრეტენზიები უნდა ეხებოდეს კონვენციით განსაზღვრული ერთი ან მეტი უფლების სავარაუდო დარღვევას, საჩივრები სასამართლოში წარდგენილი უნდა იქნას ექვსი თვის ვადაში საქმეზე საბოლოო სასამართლო გადაწყვეტილების გამოტანის დღიდან; მოსარჩელე პირი უშუალოდ უნდა წარმოადგენდეს კონვენციის დარღვევის მსხვერპლს და განცდილი უნდა ჰქონდეს მნიშნვნელოვანი ზიანი.

ამ მოთხოვნებიდან მე-4 პარაგრაფის ვარაუდებია ყველაზე არსებითი",- აცხადებს თოდუა.

ცნობისთვის, დავით სარალიძის ჯგუფურად დამამძიმებელ გარემოებებში ჩადენილი განზრახ მკვლელობის ბრალდებით სამართალდამცავებმა მიხეილ კალანდია 2019 წლის 4 ივნისს დააკავეს. ის თბილისის საქალაქო სასამართლომ დამნაშავედ ცნო და მას 15 წლით თავისუფლების აღკვეთა შეუფარდა, თუმცა, არასრულწლოვანთა მართლმსაჯულების კოდექსის თანახმად, სასჯელი ერთი მესამედით შეუმცირდა და საბოლოოდ, სასჯელის სახით 11 წელი და 3 თვე შეუფარდა. აღნიშნული გადაწყვეტილება ძალაში დატოვა თბილისის სააპელაციო სასამართლომ. უზენაესმა სასამართლომ კი, საკასაcიო საჩივარი საერთოდ დაუშვებლად მიიჩნია.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა