ავღანეთის მთავრობისა და „თალიბანის“ წარმომადგენლები ერთმანეთს დღეს, ყატარის დედაქალაქ დოჰაში შეხვდებიან.მედიის ინფორმაციით, ავღანეთის მთავრობას 8-კაციანი დელეგაცია, მათ შორის ავღანეთის ყოფილი პრეზიდენტი ჰამიდ კარზაი და ავღანეთის უმაღლესი აღმასრულებელი, აბდულა აბდულა, დოჰაში გუშინ გაემგზავრა.
მხარეები, სავარაუდოდ, სამშვიდობო მოლაპარაკებების დაწყების პირობებს განიხილავენ.
ავღანეთში უცხო ქვეყნების ძალების გაყვანის პროცესის დაწყების შემდეგ სამთავრობო ძალების წარმომადგენლებსა და თალიბებს შორის შეტაკებებმა და ძალადობის ფაქტებმა მნიშვნელოვნად იმატა. თალიბებმა ძალაუფლების დასაბრუნებლად ძალისხმევა გააძლიერეს. მათი მტკიცებით, ამჟამად ქვეყნის ტერიტორიის 85%-ზე მეტს აკონტროლებენ.