გაერთიანებული სამეფოს ჯანდაცვის მინისტრს, საჯიდ ჯავიდს კორონავირუსი დაუდასტურდა. ამის შესახებ მინისტრმა Twitter-ზე გავრცელებულ ვიდეოში განაცხადა.
„დღეს დილით კორონავირუსის PCR ტესტმა ვირუსის არსებობა დაადასტურა. მე ვრჩები იზოლაციაში და მუშაობას სახლიდან განვაგრძობ. ვაქცინის ორივე დოზის მიღების გამო, ჩემი სიმპტომები მსუბუქია. გთხოვთ ჩაიტაროთ ვაქცინაცია თუ ეს უკვე გაკეთებული არ გაქვთ“, - აცხადებს გაერთიანებული სამეფოს ჯანდაცვის მინისტრი.
როგორც ცნობილია საჯიდ ჯავიდს წინა დღეს გაერთიანებული სამეფოს პრემიერ-მინისტრ ბორის ჯონსონთანაც ჰქონდა შეხვედრა. ჯერჯერობით უცნობია გადავა თუ არა ჯონსონი იზოლაციაში.