ტოკიოს ოლიმპიური თამაშების რამდენიმე მონაწილეს, რომლებიც ოლიმპიურ სოფელში ცხოვრობენ, კორონავირუსი დაუდასტურდა.

BBC-ის ინფორმაციით, ინფიცირებული სპორტსმენები ერთი ქვეყნის წარმომადგენლები არიან და ერთსა და იმავე სპორტულ კატეგორიაში ასპარეზობენ.

სპორტსმენების დაინფიცირების შემდეგ სხვა გუნდები დროებით იზოლაციაში იმყოფებიან.

საერთო ჯამში მას შემდეგ რაც სპორტსმენები, მედიის წარმომადგენლები და სხვა პერსონალი ტოკიოში ჩავიდა მათ შორის კორონავირუსის გავრცელების 10 შემთხვევა დაფიქსირდა.

ტოკიოს ოლიმპიური თამაშები 23 ივლისს დაიწყება და 8 აგვისტოს დამთავრდება.

თამაშები გასულ წელს უნდა გამართულიყო, თუმცა პანდემიის გამო გადაიდო. ცოტა ხნის წინ ცნობილი გახდა, რომ ტოკიოს 2021 წლის ოლიმპიადა მაყურებლის გარეშე ჩატარდება.