ანა ბუჩუკური - გარდა შს მინისტრისა, რომელმაც არ გასცა პასუხები შეკითხვებს, აუცილებელია, პარლამენტში წარმოდგენილი იყვნენ პრემიერ-მინისტრი და სუს-ის ხელმძღვანელი

სამწუხაროა და ფაქტია, რომ ხელისუფლებას მწვავე კითხვებზე პასუხი არ აქვს, - ამის შესახებ პოლიტიკური გაერთიანება „საქართველოსთვის" პოლიტსაბჭოს წევრმა, დეპუტატმა ანა ბუჩუკურმა პარლამენტის რიგგარეშე სესიის პლენარული სხდომის დახურვის შემდეგ ბრიფინგზე განაცხადა.

მისი თქმით, საზოგადოებაში დაგროვებულ შეკითხვებს პარლამენტში, შსს მინისტრთან ერთად, პასუხები უნდა გასცენ პრემიერ-მინისტრმა და სახელმწიფო უსაფრთხოების სამსახურის ხელმძღვანელმაც.

„დღეს, ბატონი შინაგან საქმეთა მინისტრი პარლამენტში იყო მოსული იმისთვის, რომ პასუხი გაეცა მძიმე და მწვავე კითხვებისთვის, რომელიც არის დაგროვებული საზოგადოებაში. თუ რატომ ვერ უზრუნველყო ხელისუფლებამ დაეცვა ჩვენი მოქალაქეები მიზანმიმართული და სისტემური ძალადობისგან. ვგულისხმობ, 5 ივლისის მოვლენებს.

სამწუხაროა და ფაქტია, რომ ხელისუფლებას ამ მწვავე კითხვებზე პასუხი არ აქვს და შესაბამისად ვნახეთ, რომ საბოლოო ჯამში სხდომა ჩემთვის გაურკვეველი და მიუღებელი მიზეზების გამო გადაიდო.

გარდა შინაგან საქმეთა მინისტრისა, რომელმაც არ გასცა პასუხები ამ შეკითხვებს, აუცილებელია, პარლამენტში წარმოდგენილი იყვნენ როგორც პრემიერ-მინისტრი, ქვეყნის მეთაური, ისე სახელმწიფო უსაფრთხოების სამსახურის ხელმძღვანელი. ეს შეკითხვები, რომელიც არის დაგროვებული, არის საზოგადოებაში დაგროვებული. ამ ტრიბუნით პოლიტიკოსები ველაპარაკებით ჩვენს მოქალაქეებს. დღეს, სამწუხაროდ, მმართველმა პარტიამ ამ შეკითხვებს პასუხი არ გასცა“, - განაცხადა ანა ბუჩუკურმა.

ცნობისთვის, პარლამენტის თავმჯდომარის გადაწყვეტილებით, დღევანდელი რიგგარეშე პლენარული სხდომა დაიხურა. შესაბამისად, შინაგან საქმეთა მინისტრის მოსმენა დღეს აღარ გაიმართება.

გადაწყვეტილების შესახებ პარლამენტის თავმჯდომარე კახა კუჭავამ განაცხადა.

თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
ქართული პრესის მიმოხილვა 16.09.2021
იოსებ ბარათაშვილი - თუ უმოკლეს ვადებში არ გამოქვეყნდა რა აუცილებლობით კეთდებოდა ფარული ჩანაწერები, ხელისუფლებას მოუწევს პასუხისმგებლობის აღება ძალზე მძიმე ბრალდებაზე
ნიუ ვიჟენ უნივერსიტეტი საზოგადოებას კინემატოგრაფიაში ამერიკულ სამაგისტრო პროგრამას სთავაზობს
კრიპტალი მომხმარებლებს 1 მილიონ შიბა ინუს (ელექტრონული ფული) ჩუქნის
BDO Digital-ი SWIFT-ის ოფიციალური პარტნიორი გახდა
BDO Digital-ი კომპანიებს აქტივების მართვის თანამედროვე გადაწყვეტას სთავაზობს