ანგელა მერკელი წყალდიდობაზე - საშინელებაა, გერმანულ ენას ძნელად შეუძლია მომხდარის აღწერა

გერმანიის კანცლერი ანგელა მერკელი აცხადებს, რომ წყალდიდობა, რომელმაც ევროპის ზოგიერთ ნაწილს გამანადგურებელი შედეგები მოუტანა, „საშინელებაა“.

„საშინელებაა, გერმანულ ენას ძნელად შეუძლია მოძებნოს სიტყვები მომხდარი განადგურების ასაღწერად“- აღნიშნა კანცლერმა, რომელიც სტიქიით დაზარალებულ ტერიტორიას ეწვია.

მან პირობა დადო, რომ ფედერალური მთავრობა და რეგიონები განადგურებულ რაიონებში წესრიგის აღსადგენად ერთად იმოქმედებენ.

ამასთან, მერკელის თქმით, გააორმაგებს ყურადღებას კლიმატის ცვლილების შეჩერებაზე.

”გერმანია ძლიერი ქვეყანაა და ჩვენ აღვუდგებით ბუნების ამ ძალას მოკლევადიან, ისევე როგორც საშუალო და გრძელვადიან პერსპექტივაში, პოლიტიკის საშუალებით, რომელიც უფრო მეტ ყურადღებას აქცევს ბუნებას და კლიმატს, ვიდრე ამას ბოლო წლების განმავლობაში ვაკეთებდით,”- აღნიშნა მერკელმა.

გერმანიის ფინანსთა მინისტრმა ოლაფ შოლცმა განაცხადა, რომ მინიმუმ 300 მილიონი ევროს მოცულობის საგანგებო პაკეტი მთავრობას ორ დღეში წარედგინება. მოგვიანებით კი ამოქმედდება რამდენიმე მილიარდიანი სარეკონსტრუქციო პროგრამა, რომელიც დანგრეული სახლების, ქუჩებისა და ხიდების აღდგენას მოხმარდება.

შეგახსენებთ, ევროპას ძლიერი წყალდიდობა დაატყდა თავს. ყველაზე მეტად გერმანია და ბელგია დაზარალდნენ. გერმანიაში სულ მცირე 159, ბელგიაში კი - 31 ადამიანი გარდაიცვალა.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა