სინგაპურის ჯანდაცვის სამინისტრო არავაქცინირებულ პირებს, განსაკუთრებით ხანდაზმულებს, ურჩევს, მომდევნო რამდენიმე კვირის განმავლობაში სახლიდან გასვლაზე თავი შეიკავონ.
ამასთან, სინგაპურში დღეიდან სოციალურ შეკრებებთან დაკავშირებული შეზღუდვები მკაცრდება, თუმცა ვაქცინირებული პირებისთვის წესები მსუბუქდება.
ქალაქ-სახელმწიფოში გასული დღის განმავლობაში კორონავირუსის 88 შიდა გადაცემის შემთხვევა დაფიქსირდა, რაც უდიდესი დღიური მაჩვენებელია გასული წლის აგვისტოს შემდეგ. ახალი კლასტერი კარაოკე ბარებსა და თევზჭერის პორტს უკავშირდება.
ბოლო მონაცემებით, კორონავირუსის საწინააღმდეგო ვაქცინის პირველი დოზა სინგაპურის 5.7 მილიონიანი მოსახლეობის დაახლოებით 73%-ს აქვს მიღებული.