რუსულმა ფრეგატმა „ადმირალ გორშკოვმა“ ზებგერითი საკრუიზო რაკეტა „ცირკონის“ წარმატებითი გასროლა განახორციელა, - ინფორმაციას რუსული მედია ქვეყნის თავდაცვის სამინისტროზე დაყრდნობით ავრცელებს.
მათივე ინფორმაციით, რაკეტა თეთრი ზღვიდან ბარენცის ზღვის მიმართულებით გაისროლეს და მან დაახლოებით 350 კილომეტრის სიგრძის მანძილი დაფარა.
„დადასტურდა იარაღის ტაქტიკური და ტექნიკური მახასიათებლები,“- აცხადებენ რუსეთის თავდაცვის სამინისტროში.
შეგახსენებთ, რუსეთის პრეზიდენტმა ვლადიმერ პუტინმა 2018 წლის მარტში განაცხადა, რომ ზებგერითი საკრუიზო რაკეტები რუსული ახალი თაობის შეიარაღების ნაწილია, რომელსაც მსოფლიოს ნებისმიერ წერტილში შეუძლია დარტყმის განხორციელება.