მოუთმენლად ველი დღევანდელ დღეს ბათუმში, სადაც შევხვდები საქართველოს პრეზიდენტ სალომე ზურაბიშვილს, უკრაინის პრეზიდენტ ვლადიმირ ზელენსკის და ევროპული საბჭოს პრეზიდენტს შარლ მიშელს, ბათუმის 2021 წლის კონფერენციის ფარგლებში, - ამის შესახებ მოლდოვის პრეზიდენტი მაია სანდუ „ტვიტერში“ წერს.
მისი თქმით, დღევანდელ შეხვედრაზე მხარეები მოლდოვის, საქართველოსა და უკრაინის სამმხრივი ურთიერთობების გაძლიერების საკითხსა და აღმოსავლეთ პარტნიორობის მომავალს განიხილავენ.
„განვიხილავთ, როგორ გავაძლიეროთ მოლდოვის, საქართველოსა და უკრაინის სამმხრივი ურთიერთობები და აღმოსავლეთ პარტნიორობის მომავალს, ერთად უფრო ძლიერები ვართ“, - წერს მოლდოვის პრეზიდენტი.