ერაყში მომხდარ აფეთქებას მინიმუმ 35 ადამიანი ემსხვერპლა
ერაყის ქალაქ სადრ-სითიში თვითმკვლელმა ტერორისტმა თავი აიფეთქა, რის შედეგადაც მინიმუმ 35 ადამიანი დაიღუპა, 60 კი - დაშავდა.
მედიის ინფორმაციით, აფეთქება ხალხმრავალ ბაზარში მოხდა.
საავადმყოფოებში აცხადებენ, რომ დაღუპულთა რაოდენობა შესაძლოა გაიზარდოს, ვინაიდან რამდენიმე დაჭრილის მდგომარეობა კრიტიკულია.
ადგილობრივი მედიის ინფორმაციით, მომხდარზე პასუხისმგებლობა ე.წ. „ისლამურმა სახელმწიფომ“ აიღო.
