ლიბანიდან ისრაელის მიმართულებით ორი რაკეტა გაისროლეს, - Reuters-ის ინფორმაციით, ამის შესახებ ისრაელის თავდაცვის ძალებში აცხადებენ.
მათივე ინფორმაციით, გაშვებული რაკეტების გამო ისრაელის ჩრდილოეთ ნაწილში სირენების ხმა გაისმა, თუმცა ინციდენტს ზიანი არ მოჰყოლია და არც არავინ დაშავებულა.
ისრაელის თავდაცვის ძალებში აცხადებენ, რომ ერთი რაკეტა სარაკეტო თავდაცვამ ჩამოაგდო, ხოლო მეორე ღია ტერიტორიაზე დაეცა. მათივე ინფორმაციით, ისრაელმა თავდასხმას საარტილერიო ცეცხლით უპასუხა.
ცნობისათვის, ლიბანის სამხრეთ ნაწილში დაჯგუფება „ჰეზბოლა“, რომელთანაც ისრაელს 2006 წელს ომი ჰქონდა, გავლენიან ძალას წარმოადგენს.