რუსეთის საგარეო საქმეთა სამინისტროს პრესსპიკერი მარია ზახაროვა უკრაინის საგარეო საქმეთა მინისტრის, დმიტრო კულებას კომენტარს ეხმიანება, რომელმაც განაცხადა, რომ რუსეთმა, შესაძლოა, შავი ზღვა თავის შიდა ტბად აქციოს.
ზახაროვას თქმით, კულებამ განაცხადა, რომ იცის, როგორ უნდა შეუშალონ ხელი მოსკოვს „შავი ზღვის შიდა ტბად გადაქცევაში“.
„რაც უფრო მალე შეწყვეტს კულება სისულელეების ჩმახვას, მით უფრო მალე გახდება ტბა კვლავ ზღვად, რომლის ორივე ნაწილი ერთმანეთს დაუკავშირდება“, - აცხადებს ზახაროვა.
მანამდე უკრაინის საგარეო საქმეთა მინისტრმა დმიტრო კულებამ ვლადიმირ ზელენსკის საქართველოში ვიზიტის შედეგებზე კომენტირებისას განაცხადა, რომ „თუკი ნატოს წევრი შავი ზღვის რეგიონის ქვეყნები, პლუს უკრაინა და საქართველო, და ამ მექანიზმში ადგილის გამონახვა მოლდოვისთვისაც შეიძლება, არ გააერთიანებენ ძალებს, რუსეთი შავ ზღვას თავის შიდა ტბად აქცევს, შუაზე გაყოფს და თავის ზონაში სრულ დომინირებას დაიწყებს“.