რუსეთის ფედერაცია მზად, არის მიესალმოს ევროკავშირის ქვეყნების შუამავლობის მცდელობებს მთიანი ყარაბაღის რეგიონის შესახებ მოლაპარაკებებში, თუ ეს ხელს შეუწყობს მანამდე არსებული შეთანხმებების იმპლემენტაციას, - ამის შესახებ კრემლის პრესსპიკერმა დიმიტრი პესკოვმა განაცხადა.
„თუ შუამავლობის ძალისხმევა მოიტანს სტაბილურობას, პროგნოზირებასა და ხელს შეუწყობს არსებული შეთანხმებების შესრულებას, მაშინ ის მხოლოდ მისასალმებელია”, - აღნიშნა პესკოვმა.
მან ხაზი გაუსვა, რომ მთიანი ყარაბაღის შესახებ რუსეთის ფედერაციის, აზერბაიჯანისა და სომხეთის ხელმძღვანელების სამმხრივი შეთანხმებები ”პრეზიდენტ ვლადიმერ პუტინის ძალიან ენერგიული მონაწილეობით“ იქნა მიღწეული.
”ის მუდმივ კონტაქტშია [მოქმედ] პრემიერ- მინისტრ ფაშინიანთან და პრეზიდენტ ალიევთან. ახლა ჩვენ დაკავებული ვართ მიღწეული შეთანხმებების შესრულების საკითხებით”, - აღნიშნა პესკოვმა.