ირანში წყლის დეფიციტის გამო დაწყებული საპროტესტო აქციების დროს დაღუპულთა რაოდენობა გაიზარდა

ირანში წყლის დეფიციტის გამო დაწყებული საპროტესტო აქციების დროს კიდევ ორი ადამიანი, ერთი სამართალდამცავი და ერთი მოქალაქე დაიღუპა, - ინფორმაციას Associated Press-ი ადგილობრივ მედიაზე დაყრდნობით ავრცელებს.

ირანული სააგენტო IRNA-ს ცნობით, პოლიციელი ქალაქ მაჰშარში ცეცხლსასროლი იარაღით მოკლეს. ამასთან, სახელმწიფო ტელევიზიამ მოგვიანებით გაავრცელა ინფორმაცია, რომ ქალაქ იზეჰში, საპროტესტო აქციების დროს შექმნილი არეულობისას ერთი მოქალაქე მოკლეს, 14 პოლიციელი კი - დაშავდა. ირანული მედია დეტალებს არ აკონკრეტებს.

რამდენიმე დღის წინ გავრცელდა ინფორმაცია ხუზისტანის პროვინციის ქალაქ შადეგანში ერთი მოქალაქის გარდაცვალების შესახებ და ირანულმა მედიამ მის დაღუპვაში დემონსტრანტები დაადანაშაულა.

წყლის დეფიციტის გამო ირანის სხვადასხვა ქალაქში მიმდინარე თვის დასაწყისში საპროტესტო აქციები დაიწყო. ხელისუფლება შექმნილ პრობლემებს ნალექის შემცირებას უკავშირებს და აცხადებს, რომ ბევრი ჰიდროელექტროსადგური არ მუშაობს, ხოლო ელექტროენერგიის მოხმარება გაიზარდა, ვინაიდან ზაფხულის სიცხესთან გამკლავებას მოსახლეობა კონდიციონერების გამოყენებით ცდილობს.

მოქალაქეები კი აცხადებენ, რომ პრობლემის მიზეზი არასწორი მენეჯმენტი და კორუფციაა.

ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
ქართული პრესის მიმოხილვა 29.07.2021
ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
რა უპირატესობები აქვს სამსუნგის სმარტფონს ოფიციალური ჰოლოგრამით?
სიახლე PSP-სგან - ფრანგული დერმატოლოგიური კოსმეტიკის ინოვაციური ბრენდი SVR უკვე საქართველოშია
გაყინული კრემიდან „თოლიას“ რეცეპტებამდე, ანუ ყველაფერი, რაც ნაყინის შესახებ უნდა იცოდე
ბათუმში „მაგნიტის“ ახალი ფორმატის ფილიალი - „მაგნიტი მაქსი“ გაიხსნა
რომში “ინტელიექსპრესის” ახალი ფილიალი გაიხსნა