ხათუნა სამნიძემ და ნიკოლოზ სამხარაძემ ბიუროს სხდომაზე ერთმანეთს მიმართეს, განცხადების გაკეთებამდე „ტვინი დაატანონ“

ცოტა ტვინი დაატანეთ! - ასე მიმართა ფრაქცია „შარლ მიშელის რეფომების ჯგუფის“ თავმჯომარე ხათუნა სამნიძემ უმრავლესობის დეპუტატ ნიკოლოზ სამხარაძეს.

სამნიძის გაღიზიანება ბიუროს სხდომაზე სამხარაძის შეთავაზებამ გამოიწვია, რომელმაც ოპოზიციონერ დეპუტატებს შესთავაზა პარლამენტის პლენარულ სხდომაზე რუსეთის ჰიმნის ჩართვის საკითხი ეთიკის საბჭომ განიხილოს.

„აქ ითქვა, რომ ეს პარტიულ-პოლიტიკური საკითხი არ არისო, თურმე ქალების მიმართ ძალადობაზე ვსაუბრობთ და ეს პარტიულ-პოლიტიკური საკითხი არ არის. მინდა ასეთი რამე შემოგთავაზოთ, თუ ეს არ არის პარტიულ-პოლიტიკური საკითხი და ეთიკის საბჭოს ეხება - ცოტა ხნის წინ თქვენმა კოლეგამ სხდომათა დარბაზში ჩართო რუსეთის ჰიმნი, რომელიც დარწმუნებული ვარ, თქვენ არ მოგეწონათ. თუ ეს არ არის პარტიულ-პოლიტიკური საკითხი და მარტო ეთიკის საკითხია, მაშინ მოდით, ერთად შევიტანოთ საკითხი ეთიკის საბჭოში. ესეც არაეთიკური საქციელია“, - განაცხადა სამხარაძემ, რასაც ხათუნა სამნიძის რეპლიკა მოჰყვა: „ცოტა ტვინი დაატანეთ!“

„ტვინი თქვენ დაატანეთ ქალბატონო ხათუნა! ტვინი თქვენ დაატანეთ! პარტიულ- პოლიტიკური საკითხი არის? თუ არაეთიკური საკითხია? თუ არაეთიკური საკითხია, შევიტანოთ ერთად!“, - მიმართა სამხარაძემ ხათუნა სამნიძეს.

შეგახსენებთ, რომ პარლამენტში, რამდენიმე დღის წინ, შს მინისტრ ვახტანგ გომელაურის სიტყვით გამოსვლის დაწყებისას, ოპოზიციის მიერ დაფიქსირებულ პროტესტს უმრავლესობისა და ოპოზიციის წევრებს შორის სიტყვიერი დაპირისპირება მოჰყვა. ადგილი ჰქონდა შეხლა-შემოხლასაც. კერძოდ, „ნაციონალური მოძრაობის“ ერთ-ერთმა ლიდერმა თინა ბოკუჩავამ სპიკერატისთვის განკუთვნილ ადგილზე ასვლა სცადა, თუმცა უმრავლესობის დეპუტატმა შალვა პაპუაშვილმა ის ფაქტობრივად, ხელში აიყვანა და ადგილიდან ასე გამოიყვანა. აღნიშნულს ბოკუჩავასა და პაპუაშვილს შორის სიტყვიერი შელაპარაკება მოჰყვა.

დღეს, ბიუროს სხდომაზე საპარლამენტო უმრავლესობის წევრმა ნინო წილოსანმა ოპოზიციონერ დეპუტატებს შესათავაზა ბოკუჩავასა და პაპუაშვილს შორის მომხდარი ინციდენტი ეთიკის საბჭოს ფორმატში განიხილონ.

ბორის სოკოლოვი - პუტინს ნებისმიერ ფასად უნდა ომში გამარჯვება, ამაზეა დამოკიდებული მისი პოლიტიკური მომავალი და ფიზიკურად გადარჩენაც, მაგრამ არ ვარ დარწმუნებული, რომ იგი მზადაა, გამოიყენოს თუნდაც ტაქტიკური ბირთვული იარაღი
ქართული პრესის მიმოხილვა 30.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
კახა ოქრიაშვილი - ჩვენ, ქართველებს არ გვეკადრება ისეთი ხელისუფლება, რომელსაც საკუთარი ერი ფიზიკურ და ფსიქოლოგიურ ტერორში ჰყავს
კომპანია „აზრმა“ BDO Digital-თან თანამშრომლობით ISO 27001 სტანდარტი დანერგა
ბაზისბანკის ინვესტიციით, მესტიაში სასტუმრო „ლილეო ინნ“ გაიხსნა
სიახლე მხოლოდ „ლიბერთის“ მომხმარებლებისთვის
„შეცვალე“ – „პროკრედიტ ბანკი“ მასშტაბურ გარემოსდაცვით კამპანიას იწყებს
ვებ-გვერდ ss.ge-ზე ვიზიტორთა რაოდენობა 60 000-მდე გაიზარდა, მათ შორის 30% უცხო ქვეყნის მოქალაქეა
WhiteBit კრიპტოვალუტის ბირჟაზე ხელმისაწვდომი გახდა დოლარისა და ევროს გატანა Visa/Mastercard-ზე, ისევე როგორც უკრაინული გრივნის გატანა IBAN საბანკო ანგარიშის ნომერზე
„ჰიუნდაი ავტო საქართველომ“ 25 წლის იუბილე აღნიშნა
უძრავი ქონების პლატფორმას - Georgia Real Estate ახალი გენერალური დირექტორი ჰყავს
ბაზისბანკი, ბიზნესის დაკრედიტების ზრდის ტემპით, პირველ ადგილზეა
PSP “ჯანმრთელობის პროგნოზი“ - ახალ კამპანიას იწყებს